قصيدة لذوي الاحتياجات الخاصة بعنوان( اثبت وجودك)

بسم الله الرحمن الرحيم

]أثبت وجودك

تجهز و انطلق و أثبت وجودك وأهجر الخذلان
تخلَّص من حواجز ضعفك الكاذب ودمرها

على نار الطموح اشرب من دلال الأمل فنجان
ومن هيل التحدي .. قِمْ.. وعود العزم بَهِّرها

اريدك تفصّل بنفسك ثياب الصبر والإيمان
وحاذر من (مقص أليأس) حاذر لا يقَصّرها

أنا ما أريد تحبس نفسك بنفسك ورى الجدران
و باسم (إنك معاق) تحطِّم أحلامك و تهجرها

إذا عجزك (عمى) كوّن من أسماعك صور وألوان
ترى نور البصيره ظلمة الدنيا ينوّرها

و إذا عجزك(شلل) فالروح ما تنشل عند إنسان
تَحَرَّك.. سافر بفكرك و لفّ الأرض و اعبرها

وإذا
عجزك (بَكَم) خَطّك لسانك... والعيون أحيان
هي أبلغ حرف يحكي عن أحاسيسك وينشرها

وإذا عجزك (صمم)سمعك كتابك... والفؤاد أحيان
يسَمّعك الحقيقه قبل ما غيرك يصوّرها

ألا يا صاحبي دام إن لك عقلٍ و لك وجدان
معك نعمه حرام بعالم الإحباط تقبرها

وإذا بك نقص صدق صاحبي ممكن ترى ما يبان
إذا تبرز مواهب نفسك الحره وتِظْهرها

تأمل نفسك وحاول تعدّل كفة الميزان
و دَوّر داخلك عن موهبه تقدر تفجّرها

تخلي الناس عن نقصك و عجزك صاحبي عميان
و بِك ما يذكرون إلا فعالٍ طاب مَخْبَرْها

لا تَبْني في خيالك سجن فيه المجتمع سَجَّان
و
تجلس خلف قضبانه دموع الضعف تنثرها

و لا تحزن إذا ما انفض عنك الأهل و الخِلان
ما دام الله معك عينك بشوف السعد بَشّرها

أنا مااريد يوم تقول أنا عاجز و لا لي شان
و لا اقبل تزجر ذاتك بعجزك و تأسرها

اريدك أقوى و أصلب من جنود الضعف و الشيطان
تِقَوِّي نفسك بنفسك على العجز و تِصبّرها

تحرّر من قيودك ما نريد (لخيل الطموح) عنان
و زيّن صفحة التاريخ بأمجادك و سطّرها

و عمِّر لك سفينه و أنت لهْ يا صاحبي ربان
و بسم الله تشق أمواج حزنك به و تَكْسِرها

أبد ما هو معاق اللي تحدى العجز مهماً كان
إذا بالله تحدى إعاقته لابد يقهرها

أبد ما هو معاق اللي يحاول يفتح البيبان
و يكْسر قيد عجزه لجلْ ما روحه يحرِّرها

تأكد إن لا الوحده /و لا الغربه /و لا الخذلان
تِعَكِّر صفو روحٍ دوم ذكر الله يعطّرها

ما دام اليأس ما يعرف لقلبك صاحبي عنوان

( وحدود الصعب بالله ثم بالتصميم تعبرها


أعداد: ثائر عبد اللطيف الصغير
تربية خاصة
السنة الرابعة